Այս հոգեբանական թեստը կօգնի ձեզ հասկանալ՝ ինչքանով եք վստահ ձեր սեփական ուժերի վրա: Ուշադիր նայեք նկարին, ամեն մի խմբից ընտրեք 1 նկար, գումարեք և հաշվեք արժեքները:
Արդյունքները:
8-13 միավոր
Ձեր վարքը ամբողջությամբ կախված է շրջապատի կարծիքից: Դուք շատ շուտ եք կոտրվում, հիասթափվում, դժվարությամբ եք ձեզ համոզում նորից փորձել, անտեսել դժվարությունները: Դուք նաև շատ էմոցիոնալ եք: Ձեզ ղեկավարում են ձեր էմոցիաները և շրջապատի կարծիքը: Փորձեք ձեր կյանքից հանել «պետք է», «պարտավոր եմ» հասկացությունները:
14-20 միավոր
Դուք ամեն կերպ փորձում եք գտնել կյանքում ձեր ուղին, բայց դեռ դա ձեզ չի հաջողվում, դուք ավելի շատ ընթանում եք հոսանքի ուղղությամբ: Կարողանում եք ինքնաքննադատությամբ մոտենալ ձեր անձին: Շրջապատի մարդիկ չեն կարող քննադատել ձեզ, քանի դեռ ինքներդ չեք գիտակցել ձեր սխալը: Ճիշտը և սխալը հստակ տարբերակելը ձեզ բնորոշ ամենալավ հատկանիշներից է: Դուք կարող եք ժամանակին հետ կանգնել սխալ ճանապարհից:
21-27 միավոր
Հոգու խորքում դուք միշտ ձեզ իրավացի և անմեղ եք համարում: Իհարկե, շատ քիչ, բայց նաև ենթարկվում եք շրջապատի ազդեցությանը: Ձեր կյանքում կան մի քանի մարդիկ, ում առաջ դուք միշտ հետ եք կանգնում ձեր տեսակետից և զիջում եք ձեր դիրքերը: Ունենալով վերլուծելու հրաշալի կարողություններ՝ միշտ փորձում եք գտնել ոսկե միջինը:
28-34 միավոր
Դուք շատ դժվարությամբ եք հրաժարվում ձեր տեսակետից, անգամ այն դեպքում, երբ հստակ տեսնում եք, որ սխալ եք: Ինչքան շատ են մարդիկ փորձում ձեզ համոզել, այնքան ավելի եք պնդում ձեր տեսակետը՝ նրանց բոլորին հակառակ: Ձեր ինքնավստահության հիմքում ոչ այնքան ինքնավստահությունն է, որքան սխալվելու վախը:
35-40 միավոր
Եթե դուք ինչ-որ մի բան որոշել եք, ձեզ ուղղակի անհնար է հակառակը համոզել: Դուք, կարելի է ասել, «դաժան» մարդ եք, ով ամեն գնով փորձում է հասնել իր առաջ դրած նպատակին: Շատ դեպքերում դուք սխալվում եք՝ խզելով մարդկանց հետ ձեր հարաբերությունները, բայց երբեք ինքներդ ձեզ դա չեք խոստովանում: Ձեզ հատուկ է բնածին համառությունը և սառնությունը:
