 Ձեր առաջին ժամադրությունն ուղղակի հրաշալի է անցել: Նա ուզում է ողջ ժամանակը Ձեզ հետ անցկացնել, իսկ Դուք ուղղակի երջանկության յոթերորդ երկնքում եք ու չեք տեսնում ոչ մեկին բացի նրանից:
Իհարկե, սա քաղցր էտապ է, բայց պետք չէ մոռանալ, որ ծաղիկների ու նվերների սեզոնը մի օր անցնելու է, և սերը պահպանելու համար պետք է գործել հենց այսօրվանից: Մի փոխեք Ձեր օրվա բնականոն ընթացքը: Ավելի պարզ ասած՝ մի հրաժարվեք այն ամենից, ինչը մինչ նրան հանդիպելը սիրով էիք անում: Շարունակեք ժամանակ գտնել ընկերների, սիրելի հոբբիի համար: Անձնական տարածքի գիտակցությունը շատ կարևոր է: Մշտապես ունեցեք մի բան, որ կապված չէ նրա հետ: «Դուրս մի մնացեք» կյանքից: Բնավ էլ պարտադիր չէ 10 րոպեն մեկ անգամ զբաղվել նրանով, թե արդյոք նա չի գրել Ձեզ, չի զանգել: Դա ընդամենը կսպանի Ձեր միտքը: Պետք չէ զբաղվել միայն նրանով: Իհարկե, ժամանակ գտեք նրա համար, բայց այնպես մի արեք, որ նա կարծի, թե Դուք արդեն ճնշում եք իրեն Ձեր ուշադրությամբ ու զանգերով: Տղամարդիկ ընկալում են դա իբրև մուտք սեփական տարածք: Հարաբերությունները պետք է ներդաշնակ մուտք գործեն Ձեր կյանք: Մի կարծեք, թե ճիշտ է հանդիպել սիրելիի հետ միայն թանկ ռեստորաններում: Բնավ, հաճախ պետք է փորձել միասին անել այն, ինչ Դուք անում եք սովորոբար: Օրինակ՝ եթե գնում եք մարզասրահ ու նաև պիտի հետո հանդիպեք սիրելիին, ինչու չփորձել հանդիպել հենց մարզասրահում: Կարելի է անգամ տուն հրավիրել նրան և խնդրել օգնել Ձեզ ընթրիքի պատրաստման գործում: Սա լրացուցիչ ներուժ կհաղորդի Ձեր հարաբերություններին:
| 
