30.10.2012
Օրերն արդեն սկսել են ցրտել, շուտով կսկսվի անձրևների սեզոնը, և ճիշտ ժամանակն է մտածելու, թե այս աշնան համար դիզայներներն իրենց կոշկեղենի հավաքածուներում ինչ թրենդներ են առանձնացրել: Պարզվում է' այս աշուն չափազանց նորաձև են մետաղական ծայրով կոշիկները: Ահա դրանց մի քանի օրինակներ նորաձևության հայտնի տներից: Semilla-ն առաջարկում է սեքսուալ կարմիր կոշիկ մետաղական ծայրով: Pollini by Nicholas Kirkwood-ը առաջարկում է ունենալ սև կիսակոշիկներ, որոնք անչափ հարմար են, բայց և թանկ' շուրջ 750 դոլար: Costume National-ը բոլորիս ուշադրությանն է ներկայացնում ավելի շատ տղամարդու կոշիկ հիշեցնող այս մոդելը: Կարևորը, որ տաք է ու հարմար: YSL-ը որդեգրել է մի «քաղաքականություն», ըստ որի բարձր կրունկը պարտադիր չէ, որ բարակ լինի: Tory Burch –ը տուրք է տալիս հարմարավետությանն ու կարծում, որ բարձրակրունկներից ավելի նախընտրելի են բալետկաները: Նույն միտումը կարելի է հանդիպել Oasis-ի առաջարկներում: Valentino-ն իր շունչն է հաղորդել մետաղական ծայրին և զուգորդել այն սուր մասնիկների հետ: Miu Miu-ի առաջարկած բալետկաների ծայրը մետաղական չէ, բայց թրենդը նույնն է, ինչ մյուսներում: Դե իսկ Sam Edelman-ը համադրել է սեզոնի երեք թրենդներ' հովազի պրինտը, սողունի կաշին ու մեր այսօրվա հերոս մետաղական ծայրը:
|