Ինչեր ասես, որ չեն անի կանայք տղամարդկանց հիացմունքին արժանանալու, մյուս ականանց նախանձը շարժելու համար: Դե իսկ «զինվելու » համար նրանք շատ միջոցներ գիտեն: Խոստովանեք, որ միշտ էլ ցանկացել եք մաշկին մի հետաքրքիր ու առեղծվածային դաջվածք ունենալ: Սակայն կանայք այնքան փոփոխական են իրենց ցանկություններում, որ ոչ մի օրիգինալ նկար չի կարող նրանց հիացնել երկար ժամանակ: Այնպես որ, դաջվածքներին պետք է փոխարինող գտնել: Պատկերացրեք, որ այդ մասին շատ վաղուց արդեն հոգացել են նորաձևության առաջնորդները և Ձեզ համար ստեղծել զուգագուլպաներ' դաջվածքներով: Ի դեպ, նման մոդելները շատ նորաձեւ են այս սեզոն: 
Այս անգամ նկարիչներին ոգեշնչել են բոդի –արտի և տատուի ոճային օրինակները: Համարձակ օրիորդները կգնահատեն համարձակ երանգներով այս զուգագուլպաները: Մի վախեցեք փորձարկումներից… 
Եթե դուք պատրաստ չեք ագրեսիվ գույների ձեր մաշկի վրա, բայց շատ եք ուզում այս նորաոճ զուգագուլպաներից' տատուով, ուշադրություն դարձրեք «միշտ դասական» զուգագուլպաներին' կենդանիների, ծաղիկների կամ պարզապես գեղեցիկ նախշի նկարազարդումով: 
Այս զուգագուլպաները հայտնվել են նաև հայտնի դիզայներական տների հավաքածուների ցուցադրություններում, ինչպես օրինակ' Chanel –ի և Christian Audigier-ի:
| 
