Դիմահարդարման կանոններ նրանց համար, ովքեր օպտիկական ակնոց են կրում
28.12.2012
Այն աղջիկները, ովքեր օպտիկական ակնոց են կրում, պետք է յուրահատուկ մոտեցում ցուցաբերեն դիմահարդարման հարցերում: LN-ը ձեզ է ներկայացնում դիմահարդարման մի քանի նրբություններ:
Նախ պետք է հաշվի առնել, թե ինչպիսին է Ձեր ակնոցի ապակին: Եթե դուք կարճատես եք, լինզան զգալիորեն փոքրացնում է աչքերը, իսկ եթե հեռատես եք, լայնացնում է: Տեսանյութում մաստեր կլասսն անցկացնող աղջիկը դեմքի աջ մասում կցուցադրի կարճատեսության դեպքում կիրառելի դիմահարդարումը, իսկ ձախ մասում' հեռատեսության:
Աջ մաս. նկատի ունենալով, որ կարճատեսության ակնոցը տեսողականորեն փոքրացնում է աչքերը, պետք է դրանք մեծացնել դարձյալ տեսողականորեն: Դրա համար կոպին քսեք մուգ շագանակագույն ստվերաներկ, սև մատիտով ստացեք հաստ սլաքներ կոպերի երկայնքով, իսկ աչքի ներսի կողմից քսեք սպիտակ մատիտ: Վերջում թարթիչաներկ քսեք թե ներքևի, թե վերևի թարթիչներին:
Ձախ մաս. նկատի ունենալով, որ հեռատեսության ակնոցը վիզուալ մեծացնում է աչքերը, պետք է դրանք վիզուալ փոքրացնել: Դրա համար քսեք մուգ շագանակագույն ստվերաներկ, սև մատիտով ստացեք բարակ սլաքներ կոպերի երկայնքով, աչքի ներսին քսեք սև մատիտ, իսկ աչքի ծայրի անկյունին մուգ գույնի ստվերաներկ քսեք ու տարածեք: Դիմահարդարումը եզրափակեք թարթիչաներկով:
28.12.2012